راجوری میں پراسرار بیماری نے مزید دو بچوں کی لی جان، کل تعداد 12 تک جا پہنچی

راجوری میں پراسرار بیماری نے مزید دو بچوں کی لی جان، کل تعداد 12 تک جا پہنچی

جموں کشمیر کے ضلع راجوری ضلع کے بڈھال گاؤں میں پر اسرار بیماری نے مزید 2 زندگیاں چھین لی۔

آپکو بتاتے چلائیں راجوری کے اس گاؤں میں ایک ہی خاندان کے چھ بچوں کو ایک پراسرار بیماری کی وجہ سے ہسپتال میں داخل کرایا گیا تھا جس کے بعد آج پیر کے روز مزید دو بچوں کی موت ہو گئی۔

محمد اسلم کے چھ بچوں کو ہفتے کی شام طبی معائنے کے لیے کمیونٹی ہیلتھ سینٹر لے جایا گیا۔ انہوں نے بتایا کہ بچوں کو ابتدائی طور پر راجوری کے گورنمنٹ میڈیکل کالج (جی ایم سی) ایسوسی ایٹڈ اسپتال میں ریفر کیا گیا اور بعد میں انہیں جموں کے ایس ایم جی ایس اسپتال منتقل کیا گیا جہاں 5 سالہ نبینا نے اتوار کو آخری سانس لی۔

پیر کو ظہور (14) اور معروف (8) اسپتال میں علاج کے دوران انتقال کر گئے۔

کوٹرنکا سب ڈویژن کے تحت آنے والا گاؤں گزشتہ سال دسمبر سے ایک پراسرار بیماری سے دوچار ہے جس نے دو مختلف خاندانوں کے نو افراد کی جان لے لی ہے۔

حکام نے بتایا کہ تازہ ترین اموات سے ہلاکتوں کی کل تعداد 12 ہو گئی ہے۔

یہاں ہسپتال میں چھ بچوں کو داخل کرایا گیا تھا۔ گزشتہ روز ایک بچی کی موت ہو گئی جبکہ دو اور بچے آج انتقال کر گئے۔ ہلاکتوں کی اصل وجہ کے بارے میں ابھی تک کچھ معلوم نہیں ہو سکا ہے۔

محکمہ صحت اس بیماری کی نشاندہی کرنے میں ناکام رہا ہے،” انتقال کرنے والے بچوں کے قریبی رشتہ دار اعزاز احمد نے یہاں نامہ نگاروں سے بات کرتے ہوئے بتایا۔

انہوں نے مزید کہا کہ گاؤں کی صورتحال تشویشناک ہے، نامعلوم بیماری کے خوف سے اس کے باشندوں کو اپنی لپیٹ میں لے لیا ہے۔

جی ایم سی ہسپتال کے پرنسپل ڈاکٹر آشوتوش گپتا نے گزشتہ ماہ کہا تھا کہ ابتدائی تحقیقات میں پراسرار اموات کی وجہ وائرل انفیکشن کی طرف اشارہ کیا گیا ہے۔

کشمیر میں حقیقی پیش رفت حقیقی تبدیلی سے آ سکتی ہے نہ کہ خوف سے: وزیر اعلیٰ عمر عبداللہ

تاہم، انہوں نے یہ بھی کہا کہ کسی حتمی نتیجے تک پہنچنے کے لیے مزید مطالعات، شواھد کی ضرورت ہے۔

پونے کے نیشنل انسٹی ٹیوٹ آف وائرولوجی، PGI چندی گڑھ، AIIMS دہلی، اور نیشنل سینٹر فار ڈیزیز کنٹرول (NCDC)، دہلی کے ماہرین کی ٹیموں نے تحقیقات میں مدد کے لیے گاؤں کا دورہ کیا ہے۔

راجوری کے ڈپٹی کمشنر ابھیشیک شرما، راجوری پونچھ رینج کے ڈپٹی انسپکٹر جنرل تیجندر سنگھ اور سینئر سپرنٹنڈنٹ آف پولیس گورو سیکروار نے گاؤں کا دورہ کیا ہے تاکہ صورتحال کا جائزہ لیا جا سکے۔

حکام نے بتایا کہ ضروری طبی جانچ کو یقینی بنانے کے لیے صحت کی ٹیموں کو بھی تعینات کیا گیا ہے۔

اس خبر کو انگیریزی زبان میں پڑھیں