راجوری پراسرار بیماری کی وجوہات کا اب تک پتہ نہ لگ سکا، تمام رپورٹس منفی، حکومت کی تصدیق

راجوری پراسرار بیماری کی وجوہات کا اب تک پتہ نہ لگ سکا، تمام رپورٹس منفی، حکومت کی تصدیق

جموں کشمیر کے ضلع راجوری میں پر اسرار بیماری اب تک معمہ بنا ہوا ہے۔

جموں کشمیر حکومت کی طرف سے انفارمیشن ڈپارٹمنٹ کے ذریعے ایک بیان جاری کیا گیا ہے۔

بیان کے مطابق حکومت نے بدھل گاؤں کی صورتحال پر گہری نظر رکھے ہوئے ہے، جہاں ایک پراسرار بیماری سے 15 افراد کی موت ہوئی ہے

CSIR-IITR نے ٹاکسولوجیکل تجزیے کے ذریعے حیاتیاتی نمونوں میں زہریلے مادوں کی نشاندہی کی ہے، جس سے راجوری پولیس نے اموات کی مزید تحقیقات کے لیے ایک خصوصی تحقیقاتی ٹیم (SIT) کی تشکیل کی ہے۔

حکومت نے طبی ٹیموں کی تعیناتی، خوراک اور پانی کے نمونے جمع کرنے، طبی کیمپوں کا انعقاد اور گھر گھر جا کر اسکریننگ کرنے سمیت مختلف اقدامات پر عمل درآمد کیا ہے۔

NCDC، NIV پونے، اور PGI چنڈی گڑھ جیسے قومی اداروں کے ماہرین نے بھی تحقیقات میں شامل۔ہیں

بیان میں مزید کہا گیا ہے کہ ایس ایم جی ایس ہسپتال میں ایک بچہ کی حالت تشویشناک ہے۔

ملک بھر کی معروف لیبارٹریوں میں نمونوں کی وسیع پیمانے پر جانچ سمیت تحقیقات نے اس بات کی تصدیق کی ہے کہ اموات کسی متعدی بیماری، بیکٹیریل یا وائرل کی وجہ سے نہیں ہوئیں۔ اس طرح کے انفیکشن کے لیے تمام نمونے منفی آئے۔

راجوری میں پراسرار بیماری نے ایک اور جان لی، کل تعداد 14
پہلا واقعہ 7 دسمبر 2024 کو رپورٹ کیا گیا، جب سات افراد پر مشتمل ایک خاندان کمیونٹی کے کھانے کے بعد بیمار ہو گیا، جس کے نتیجے میں پانچ افراد ہلاک ہوئے۔

12 دسمبر کو، نو افراد پر مشتمل ایک اور خاندان متاثر ہوا، جس میں تین جانیں ضائع ہوئیں۔ تیسرا واقعہ 12 جنوری 2025 کو پیش آیا، جب دس افراد کا ایک خاندان دوسرے کمیونٹی کے کھانے کے بعد بیمار ہو گیا، جس میں چھ بچے ہسپتال میں داخل ہوئے۔

وزیر صحت اور طبی تعلیم سکینہ ایتو نے کابینہ کے دیگر ارکان کے ساتھ متاثرہ علاقے کا دورہ کیا اور صحت کے حکام اور مقامی حکام کے ساتھ کئی میٹنگوں کی صدارت کی۔ چیف سکریٹری اتل دلو نے جامع تحقیقات کو یقینی بنانے اور متاثرین کو مناسب صحت کی دیکھ بھال فراہم کرنے کے لیے ماہرین، پولیس اور انتظامیہ کے ساتھ بھی تعاون کیا ہے۔

اس۔خبر کو انگریزی زبان میں پڑھیں