کورٹ آف انڈیا (Supreme Court of India) کی سخت برہمی کے بعد این سی ای آر ٹی جماعت ہشتم NCERT) Class 8 Textbook) کی کتاب کا باب دوبارہ تحریر کرنے کا فیصلہ

سپریم کورٹ آف انڈیا (Supreme Court of India) کی سخت برہمی کے بعد این سی ای آر ٹی جماعت ہشتم NCERT) Class 8 Textbook) کی کتاب کا باب دوبارہ تحریر کرنے کا فیصلہ

نئی دہلی: سپریم کورٹ آف انڈیا (Supreme Court of India) کی سخت ریمارکس کے بعد نیشنل کونسل آف ایجوکیشنل ریسرچ اینڈ ٹریننگ نے اپنی جماعت ہشتم کی درسی کتاب (NCERT Class 8 Textbook) کے متنازع باب کو دوبارہ تحریر کرنے کا اعلان کیا ہے۔

عدالت عظمیٰ نے سوشل سائنس کی کتاب میں ’’عدلیہ میں بدعنوانی‘‘ سے متعلق مواد پر گہری تشویش ظاہر کرتے ہوئے کہا کہ اس نوعیت کا مواد عدلیہ کی ساکھ اور عوامی اعتماد کو متاثر کر سکتا ہے۔ سماعت کے دوران چیف جسٹس سوریا کانت نے این سی ای آر ٹی کی وضاحت کو ناکافی قرار دیتے ہوئے کہا کہ جاری کردہ بیان میں واضح معذرت شامل نہیں تھی۔

یہ باب نئی تعلیمی اشاعت میں ’’ہمارے معاشرے میں عدلیہ کا کردار‘‘ کے عنوان کے تحت شامل کیا گیا تھا، جو (NCERT Class 8 Textbook) 2026 ایڈیشن کا حصہ ہے۔ عدالت نے کہا کہ اگرچہ تعلیمی نصاب میں تنقیدی مباحث کی گنجائش موجود ہے، تاہم پیشکش کا انداز متوازن اور آئینی اقدار کے مطابق ہونا چاہیے۔

Nepal Bus Accident: نیپال میں مسافر بس دریا میں جا گری، 18 افراد ہلاک، متعدد زخمی

(Supreme Court of India) نے واضح کیا کہ ازخود کارروائی کا مقصد کسی جائز تنقید کو دبانا نہیں بلکہ عدالتی ادارے کے وقار اور آئینی حدود کا تحفظ یقینی بنانا ہے۔ عدالت نے عندیہ دیا کہ اس معاملے میں ذمہ دار افراد کا تعین بھی کیا جا سکتا ہے۔

این سی ای آر ٹی نے عدالت کو یقین دلایا کہ متعلقہ باب کو مناسب مشاورت کے بعد دوبارہ تحریر کیا جائے گا تاکہ مواد آئین کے تقاضوں اور جمہوری اصولوں سے ہم آہنگ ہو۔ معاملہ فی الحال زیر غور ہے اور نظرثانی شدہ باب جلد جاری کیے جانے کا امکان ہے۔