امیگریشن اینڈ فارنرز رولز 2025 میں ترامیم کا نوٹیفکیشن جاری

امیگریشن اینڈ فارنرز رولز 2025 میں ترامیم کا نوٹیفکیشن جاری

نئی دہلی، 2 جون 2026 (VoM News): مرکزی وزارت داخلہ نے امیگریشن اینڈ فارنرز رولز 2025 میں اہم ترامیم کا نوٹیفکیشن جاری کیا ہے، جس کے تحت اب وہ غیر ملکی شہری جو 180 دن یا اس سے کم مدت کے ویزے پر بھارت آتے ہیں اور اپنی قیام مدت بڑھانا چاہتے ہیں، انہیں 180 دن مکمل ہونے سے پہلے خود کو رجسٹر کرانا ہوگا۔

پیر کے روز جاری نوٹیفکیشن کے مطابق، نئی شق سابقہ قانون کی جگہ لے گی جس کے تحت غیر ملکی شہریوں کو بھارت آمد کے 180 دن مکمل ہونے کے بعد 14 دن کے اندر رجسٹریشن کرانا لازمی تھا۔

سرکاری گزٹ میں شائع نوٹیفکیشن میں کہا گیا ہے کہ امیگریشن اینڈ فارنرز رولز 2025 کے رول 12 میں ترمیم کرتے ہوئے “within fourteen days after the expiry of one hundred and eighty days of his arrival in India” کی جگہ “any time before the expiry of the said period of one hundred and eighty days” الفاظ شامل کیے گئے ہیں۔

نئے ضوابط کے مطابق، وہ غیر ملکی شہری جن کے ویزے کی مدت 180 دن سے زیادہ ہے لیکن اس میں یہ شرط شامل ہے کہ “ہر قیام 180 دن سے زیادہ نہیں ہوگا”، اگر وہ کسی ایک موقع پر یا مجموعی طور پر کیلنڈر سال میں 180 دن سے زیادہ بھارت میں قیام کرنا چاہتے ہیں، تو انہیں 180 دن مکمل ہونے سے قبل رجسٹریشن کرانا لازمی ہوگا۔

حکومت نے واضح کیا ہے کہ ایسی رجسٹریشن اب صرف “ہنگامی حالات” میں ہی منظور کی جائے گی۔

نئے قوانین میں ایسے بچوں کے لیے بھی کچھ راحت فراہم کی گئی ہے جن کے والدین میں سے ایک یا دونوں غیر ملکی ہوں۔

پرانے قوانین کے مطابق، ایسے بچوں کی پیدائش کے بعد والدین کو 30 دن کے اندر رجسٹریشن افسر کو آن لائن پورٹل یا موبائل ایپ کے ذریعے اطلاع دینا لازمی تھا تاکہ ویزا خدمات، نئے ویزے یا ایگزٹ پرمیشن حاصل کی جا سکے۔

مدھیہ پردیش میں وین اور ایس یو وی کی ٹکر میں 12 افراد ہلاک

تاہم نئے نوٹیفکیشن میں کہا گیا ہے کہ اگر والدین میں سے ایک بھارتی شہری ہو اور وہ بچے کی بھارتی شہریت برقرار رکھنا چاہے، تو یہ شرط لاگو نہیں ہوگی۔

البتہ اگر بچہ بعد میں بھارت میں رہتے ہوئے کسی دوسرے ملک کی شہریت حاصل کرتا ہے، تو والدین میں سے کسی ایک کو 30 دن کے اندر رجسٹریشن افسر کو اس بارے میں اطلاع دینا ہوگی۔

نوٹیفکیشن میں اسپتالوں، نرسنگ ہومز اور دیگر طبی اداروں کے لیے بھی رپورٹنگ تقاضوں اور انتظامی طریقہ کار سے متعلق ترامیم کی گئی ہیں، خاص طور پر ان اداروں کے لیے جو اپنے احاطے میں رہائش یا قیام کی سہولت فراہم کرتے ہیں۔