ڈوڈہ میں نوجوان کی لاش برآمد، پولس کی تحقیقات جاری

ڈوڈہ: جمعہ کی صبح ڈوڈہ ضلع ہیڈکوارٹر میں اے سی ڈی آفس کے قریب ایک 28 سالہ نوجوان کی لاش پراسرار حالات میں برآمد ہوئی۔

لاش ملنے پر مقامی لوگوں نے پولیس کو اطلاع دی جس کے بعد ایک ٹیم جائے وقوعہ پر پہنچی اور لاش کو شناخت اور مزید کارروائی کے لیے گورنمنٹ میڈیکل کالج ڈوڈہ منتقل کیا۔

نوجوان کی شناخت تنویر احمد موچی ولد عبداللطیف ساکن بھلا کے نام سے ہوئی ہے۔

پولیس نے مقدمہ درج کر کے موت کی وجوہات جاننے کے لیے تفتیش شروع کر دی ہے۔ ایس ایچ او ڈوڈہ پرویز کھانڈے نے واقعے کی تصدیق کرتے ہوئے کہا کہ موت کی وجہ جاننے کے لیے تمام ضروری اقدامات کیے جا رہے ہیں۔

اِس ضمن میں تحقیقات کا آغاز کیا گیا ہے، مزید تفصیلات کا آنا باقی ہے۔

Read in English