شمالی کشمیر کے ٹنگمرگ سے دلخراش خبر، ٹین شیڈ میں آگ لگنے سے دو نابالغ بہن بھائیوں کی موت

شمالی کشمیر کے ٹنگمرگ سے دلخراش خبر، ٹین شیڈ میں آگ لگنے سے دو نابالغ بہن بھائیوں کی موت

نابالغ بہن بھائیوں میں 3 ماہ کی بہن اور 3 سالہ بھائی شامل ہیں

بارہمولہ، 02 جنوری: شمالی کشمیر کے بارہمولہ ضلع کے ٹنگمرگ کے فیروز پورہ علاقے میں جمعرات کو ایک ہی خاندان کے دو نابالغ بچوں کی جھلس کر موت ہو گئی ہے۔

پولیس ذرائع کے مطابق رہائشی شیڈ کے اندر موجود روایتی ہیٹر (بخاری) کے پھٹنے سے شیڈ آگ کی لپیٹ میں آگیا اور راکھ کا ڈھیر بن گیا۔

پولیس ذرائع نے بتایا کہ دو بہن بھائی – 3 ماہ کی بہن اور 3 سالہ بھائی شیڈ کے اندر ہیٹر کے دھماکے سے جھلس گئے اور یہ رہائشی شیڈ محمد اشرف ڈار کا ہے۔

بھدرواہ میں ہوٹل سے 3 لاشیں برآمد، تحقیقات جاری: ایس ایس پی ڈوڈہ

ٹین شیڈ کے اندر سے دونوں بہن بھائیوں کی جلی ہوئی لاشیں ملنے پر علاقے میں سوگ کی لہر دوڑ گئی۔

مقامی لوگوں کے مطابق دونوں بہن بھائیوں کی والدہ گھر والوں کے لیے سبزی لانے بازار گئی تھیں جو گھر واپس آئی تو دیکھا کہ شیڈ راکھ کا ڈھیر بن گیا اور اس کے دونوں بچوں کی لاشیں اندر پڑی ہیں۔

مقامی لوگ ریسکیو آپریشن کے لیے موقع پر پہنچ گئے لیکن دونوں بہن بھائی پہلے ہی جاں بحق ہو چکے تھے۔