جموں کشمیر کے بانڈی پوره میں فوجی گاڑی کھائی میں جا گری، 2 فوجی ہلاک، 2 زخمی

جموں کشمیر کے بانڈی پوره میں فوجی گاڑی کھائی میں جا گری، 2 فوجی ہلاک، 2 زخمی

جموں و کشمیر کے بانڈی پورہ ضلع میں ہفتے کو فوج کا ایک ٹرک سڑک سے پھسل کر کھائی میں جا گرا جس سے دو فوجی ہلاک اور دو دیگر زخمی ہو گئے۔

حکام نے بتایا کہ حادثہ ایس کے پاین علاقے کے قریب پیش آیا اور زخمی فوجیوں کو علاج کے لیے اسپتال منتقل کیا گیا ہے۔

پچھلے مہینے بھی اسی طرح کے ایک واقعے میں جموں و کشمیر کے پونچھ میں ایک ٹرک 300 فٹ گہری کھائی میں جا گرا تھا جس میں پانچ فوجی اہلکار ہلاک اور پانچ دیگر زخمی ہو گئے تھے۔

جموں میں پارکنگ تنازعہ؛ بی جے پی یووا مورچہ لیڈر کو نامعلوم افراد نے گولی مار دی

فوج کی وائٹ نائٹ کور نے سوشل میڈیا پلیٹ فارم X پر لکھا ہے کہ “#WhiteKnightCorps کے تمام رینک #پونچ سیکٹر میں آپریشنل ڈیوٹی کے دوران ایک گاڑی کے حادثے میں پانچ بہادر فوجیوں کے المناک نقصان پر اپنے گہرے تعزیت کا اظہار کرتے ہیں۔”

جموں و کشمیر کے وزیر اعلیٰ عمر عبداللہ سمیت کئی رہنماؤں نے اس واقعے پر افسوس کا اظہار کیا تھا۔

کانگریس لیڈر راہول گاندھی نے کہا، “میں شہیدوں کو دلی خراج عقیدت پیش کرتا ہوں اور زخمی فوجیوں کے جلد صحت یاب ہونے کی امید کرتا ہوں۔ سوگوار خاندانوں سے میری گہری تعزیت ہے۔”