Omar Abdullah :مستقبل میں سیلاب کے خطرات سے بچنے کے لیے 2014 کے اسباق پر نظرثانی کریں گے: وزیرِ اعلیٰ عمر عبداللہ
سری نگر، 28 اگست: وزیر اعلیٰ عمر عبداللہ نے جمعرات کو اعتراف کیا کہ جموں و کشمیر صرف دو دن کی شدید بارش کے بعد سیلاب کی صورتحال کے خطرناک حد تک قریب پہنچ گیا ہے، اور کہا کہ ان کی انتظامیہ مستقبل میں اس طرح کے خطرات کو روکنے کے لیے 2014 کے اسباق پر نظر ثانی کرے گی۔
سرینگر میں صحافیوں سے بات کرتے ہوئے وزیر اعلیٰ عمر عبداللہ نے کہا، 2014 میں چھ دن کی بارش کے بعد سیلاب آیا تھا، اس بار ہمیں سیلاب جیسی صورتحال کی طرف دھکیلنے کے لیے صرف دو دن کافی تھے، خدا کے فضل سے اب پانی کم ہو گیا ہے اور فوری خطرہ ہمارے پیچھے ہے۔
وزیراعلیٰ نے کہا کہ حکومت جلد ہی 2014 کے سیلاب کے بعد نافذ کئے گئے اقدامات کا تفصیلی جائزہ لے گی۔ انہوں نے کہا، ہمیں اس بات کا مطالعہ کرنے کی ضرورت ہے کہ کیا بہتری لائی گئی، فلڈ چینلز اور جہلم کی لے جانے کی صلاحیت میں کیا ہوا، اور کہاں کہاں خلا باقی ہے۔ میں آنے والے دنوں میں ان سب کا جائزہ لینے کے لیے افسران کے ساتھ بیٹھوں گا، انہوں نے کہا۔
انہوں نے اس بات پر زور دیا کہ عوام کے تحفظ کو یقینی بنانے کے لیے غلطیوں کو درست کرنا ضروری ہے۔ عمر نے کہا، ہم لوگوں کو ہر سال اس بار بار آنے والے خطرے میں رہنے کی اجازت نہیں دے سکتے۔ یہ اپنی غلطیوں کو سدھارنے کا وقت ہے۔
یہ بیان موسلا دھار بارشوں اور بادلوں کے پھٹنے سے بڑے پیمانے پر تشویش پیدا کرنے کے بعد سامنے آئے ہیں، جس سے بڑے دریاؤں اور ندی نالوں میں پانی کی سطح خطرے کے نشانات سے اوپر دیکھی جا رہی ہے۔
متعلقہ خبریں
- Vande Mataram & National Anthemسرکاری تقریبات اور اسکولوں میں قومی ترانے سے قبل ‘وندے ماترم’ بجایا جائے گا: مرکزی حکومت کی نئی ہدایات
- Meghalaya Coal Mine Blast: میگھالیہ میں مبینہ غیر قانونی کوئلہ کان میں دھماکہ، چار مزدور ہلاک، ایک زخمی
- MLA Mehraj Malik PSA Case: ایم ایل اے مہراج ملک کے پی ایس اے کیس کی سماعت اب12 فروری کو ہوگی
- Mamata Banerjee In Supreme Court over SIR ووٹر فہرستوں کی نظرِ ثانی پر ممتا بنرجی کا الیکشن کمیشن پر شدید اعتراض، نوٹس جاری کر
- President Rule Ends in Manipur: یمنام کھیم چند سنگھ وزیرِ اعلیٰ کے لیے امیدوار، منی پور میں صدر راج ختم، نئی حکومت کی راہ ہموار