اروند کیجریوال آج دہلی ہائی کورٹ میں ذاتی طور پر دلائل دیں گے، ایکسائز پالیسی کیس میں پیشی

**اروند کیجریوال آج دہلی ہائی کورٹ میں ذاتی طور پر دلائل دیں گے، ایکسائز پالیسی کیس میں پیشی**

نئی دہلی: دہلی کے سابق وزیر اعلیٰ **اروند کیجریوال** آج دہلی ہائی کورٹ میں مبینہ **ایکسائز پالیسی اسکام** سے جڑے کیس میں ذاتی طور پر پیش ہو کر خود دلائل دیں گے، عام آدمی پارٹی نے اتوار کو یہ جانکاری دی۔

پارٹی کے مطابق کیجریوال نے دیگر ملزمان کے ساتھ مل کر جسٹس **سوارنا کانتا شرما** سے کیس کی سماعت سے خود کو الگ کرنے کی درخواست بھی دائر کی ہے۔

یہ درخواست **سی بی آئی** کی جانب سے دائر اس عرضی کے جواب میں دی گئی ہے جس میں ٹرائل کورٹ کے اس فیصلے کو چیلنج کیا گیا ہے، جس میں کیجریوال کو سمن کی عدم تعمیل کے کیس میں بری کر دیا گیا تھا۔

راگھو چڈھا کی جگہ اشوک متل نے سنبھالی، دباؤ یا عام آدمی پارٹی کا سیاسی داؤ پیچ

واضح رہے کہ **22 جنوری** کو **راؤز ایونیو کورٹ** نے اپنے فیصلے میں کہا تھا کہ انفورسمنٹ ڈائریکٹوریٹ (ED) یہ ثابت کرنے میں ناکام رہا کہ کیجریوال نے جان بوجھ کر سمن کی خلاف ورزی کی، جس کے بعد انہیں بری کر دیا گیا تھا۔

بعد ازاں **30 مارچ** کو ای ڈی نے دہلی ہائی کورٹ سے رجوع کرتے ہوئے اس بریت کے فیصلے کو چیلنج کیا تھا۔

اس کیس کی سماعت آج ہونے جا رہی ہے، جس پر سیاسی حلقوں اور قانونی ماہرین کی گہری نظر ہے۔